Yämändäge xusilar çärşämbe irtän Soğud Ğaräbstanı aêroportları häm xärbi bazalarına qarşı berniçä dron häm ballistik raketa höcümnäre yasawın belderde.
Xusilärneñ xärbi süzçese Yahya Saree “X” platformasında yasağan belderügä kürä ğaskäriläre är-Riyadtağı Patşa Xalit isemendäge Xalıqara aêroportına berniçä dron belän höcüm itkän, höcümdä aêroporttağı hawa transportı bozılğan.
Saree şulay uq xusilärneñ Abha xalıqara aêroportı häm Xamis Muşayt hawa bazasına ballistik raketalar häm dronnar qullanıp, ike operaśiya ütkärüen äytte. Ul höcümnärneñ aêroportta hawa xäräkäten bozuın häm xärbi bazanıñ zarar kürüen citkerde.
Başqa ber belderüendä Saree xusilärneñ Cizandağı Dagarir, Asirdağı Aakifah häm Cizandağı Äl-Mavsim isemle öç xärbi qorılmağa küp sanda ballistik raketalar häm dronnar belän höcüm itülären äytte.
Soğud Ğaräbstanı liderlığındağı koaliśiya çärşämbe könne yasağan belderüendä xusilär tarafınnan Riyad töbägenä cibärelgän ber ballistik raketanıñ hawada totqarlanıp, yuqqa çığarıluın citkerde.
