Törkiyä belän Qatar, ilbaşı Räcäp Tayyip Ärdoğan häm Qatar Ämire Şäyex Tämim bin Xämäd Al Sani arasındağı söyläşülärdän soñ säwdä, belem birü häm diplomatiya ölkälären üz êçenä alğan tağın dürt kileşügä qul quydı.

İlbaşı Ärdoğan belän Qatar Ämire Şäyex Tämim bin Xämäd Al Sani İlbaşı idaräseneñ Dolmabahçe ofisında üzara häm delegaśiyalär arasında söyläşülärdän soñ ike il arasındağı kileşülärne imzalaw tantanası küçte. İlbaşı Ärdoğan häm Qatar Ämire Al Sani qatnaşında Törkiyä-Qatar Yuğarı Strategik komitetınıñ 12nçe utırışı qısalarında ike il arasında 5 kileşügä qul quyıldı.

Törkiyä Cömhüriyäte xökümäte belän Qatar däwläte xökümäte arasındağı «Qullanuçını yaqlaw, bazarnı küzätü häm tikşerü ölkälärendä xezmättäşlek turındağı üzara kileşü memorandumı»na Törkiyäneñ säwdä ministrı Ömär Bolat belän Qatar säwdä häm sänäğät ministrı Şäyex Faysal bin Sani bin Faysal Al Sani qul quydı.

Törkiyä Cömhüriyäte xökümäte belän Qatar däwläte xökümäte arasındağı «Belem birü ölkäsendä xezmättäşlek kileşü»en Törkiyä mäğarif ministrı Yusuf Tekin häm Qatar däwlät ministrı Möxämmäd bin Abdulaziz Al-Xulayfi imzaladı.

Törkiyä Cömhüriyäte tışqı êşlär ministrlığı belän Qatar däwläte Tışqı êşlär ministrlığı arasındağı «Solıx, kileşü häm bäreleşlärne çişü mäs'älälärendä xezmättäşlek turındağı üzara kileşü memorandumı»na Törkiyä tışqı êşlär ministrı Xakan Fidan belän Qatar premyer-ministrı häm tışqı êşlär ministrı Möxämmäd bin Abdurraxman Al Sani qul quydı.

Törkiyä Cömhüriyäte belän Qatar däwläte arasındağı «Yuğarı Strategik komitetnıñ 12nçe utırışı urtaq beldergese»n Törkiyä tışqı êşlär ministrı Xakan Fidan häm Qatar premyer-ministrı, tışqı êşlär ministrı Al Sani imzaladı.

Törkiyä Cömhüriyäte belän Qatar däwläte arasındağı «Üzara saqlanu kileşüe»nä isä ilbaşı Ärdoğan belän Qatar Ämire Al Sani qul quydı.