DÖNYA
1 min uqıu
Tramp Si häm Putin belän öç yaqlı oçraşu ütkäräçäk
Oçraşu Qıtayda bulaçaq.
Tramp Si häm Putin belän öç yaqlı oçraşu ütkäräçäk
AQŞ ilbaşı Tramp / AFP (Wire)

Aq Yort süzçese urınbasarı Olivia Wales AQŞ däwlät başlığı Donald Trampnıñ kiläse atna başında başta Filippingä, annarı Qıtayğa säfär yasayaçağın belderde.

AQŞ yuğarı däräcäle räsmi zatları säfärlärneñ neçkälekläre turında jurnalistlarnıñ sorawlarına cawap birde.

Wales beldergänçä, ilbaşı Tramp kiläse atnada Qıtaynıñ Şênçjen şähärendä APEC sammitı qısalarında Qıtay däwlät başlığı Si Cinpiñ häm Rusiya däwlät başlığı Vladimir Putin belän öç yaqlı oçraşu ütkäräçäk.

Räsmi zat äytüençä, Tramp Si häm Putin belän öç yaqlı oçraşuda İran turında fiker alışırğa planlaştıra, läkin Ukraina mäs'äläse kön tärtibendä bulmayaçaq.

Trampnıñ säfäre qısalarında iqtisad häm investiśiyälärgä qağılışlı söyläşülär dä ütkäreläçäk.

Aq Yort brifingında ilbaşı Trampnıñ Filippingä häm Qıtayğa planlaştırılğan säfärläreneñ töp temaları töbäktäge iminlek mäs'äläläre, şulay uq säwdä, investiśiyälär häm iqtisadi üseşkä yünältelgän söyläşülärne üz êçenä ala dip bilgeläp ütelde.