Törkiyä Cömhüriyäte, Paqıstan İslam Cömhüriyäte häm Soğud Ğäräbstanı Patşalığı arasında urtaq saqlanu turındağı “Mäkkä” kileşüen raslaw turındağı qanun “Räsmi gazet”ta basılıp çıqtı.

“Räsmi gazet”ta basılğan qanunğa kürä 7 avgustta Mäkkädä imzalanğan «Törkiyä Cömhüriyäte, Paqıstan İslam Cömhüriyäte häm Soğud Ğaräbstanı Patşalığı arasında urtaq saqlanu turındağı Mäkkä kileşüe»n raslaw urınlı dip tabıluı.

Basılıp çığu belän üz köçenä kergän qanun qararların ilbaşı ğämälgä aşıracaq.

Qabul itelgän kileşü nigezendä öç il arasında saqlanu häm iminlek ölkälärendäge xezmättäşlek belän berrättän saqlanu sänäğäte ölkäsendä dä urtaq proyektlar üstereläçäk.

Kileşü nigezendä töbäk häm xalıqara totrıqlılıqqa häm iminlekkä tiskäre yoğıntı yasawçı terrorçılıqnıñ barlıq törläre belän köräştä xäzerge xezmättäşlek häm urtaq tırışlıqlar operativ däräcädä köçäyteläçäk.

Kileşü buyınça anı ğämälgä aşırunıñ strategik yünäleşen bilgeläw häm taraflar arasında saqlanu häm iminlek ölkälärendäge xezmättäşlekne üsterü maqsatı belän Strategik säyäsi häm saqlanu komitetı tözeläçäk.

Tışqı êşlär ministrları, saqlanu ministrları häm ğomum ştab başlıqlarınnan toraçaq komitet yılda ike tapqır cıyılaçaq.