İzrail blokadası astındağı Ğazzä sızığında Xan Yunısnıñ Mavasi rayonında 9 aylıq bala çatırda tuñıp ülgän.

Naser xastaxanäse yanında ulınıñ cansız gäwdäsen totıp torğan äti Äxmät Rakik: "Min yoqıdan uyandım häm ulımnı şundıy xäldä kürdem. Anı Naser xastaxanäsenä alıp kildem. Ulım tuñıp ülde", - dide.

Qış citü belän Ğazzä sızığın bilägän salqın hawa torışı häm yañğır waqıtlıça çatırlarda yäşäw öçen köräşüçe fälästinlelärneñ xälen tağın da qatlawlandıra.

2023 yılnıñ oktyabrennän birle İzrail höcümnär oyıştıruçu Ğazzä sızığında binalarnıñ 80%tan artığı cimerelgän yäki citdi zıyan kürgän.

Yortlarnıñ kübese qullanuğa yaraqsız xälgä kilgänlektän, yözlärçä meñ küçengän fälästinle waqıtça çatırlarda häm sıyınu urınnarında yäşärgä mäcbür.

Yal könnärendä Ğazzädä köçle yañğırlar arqasında küp çatırlarnı su bastı, bolay da awır yäşäw şartların tağın da naçarayttı.

İzrailneñ Ğazzägä konteyner yortları, çatırlar, brezentlar häm töp gumanitar yärdäm kiräk-yaraqların kertüen çikläwe fälästinlelärgä salqın häm yañğırdan saqlanunı tağın da qatlawlandıra.