Kremlneñ tışqı säyäsät buyınça kiñäşçese Yuriy Uşakov beldergänçä däwlät başlığı Vladimir Putin AQŞ ilbaşı Donald Trampnıñ maxsus wäkilläre Stiv Uitkoff häm Djared Kuşner belän uzdırğan oçraşuında yaqlar Ukraina krizisın çişügä yünältelgän söyläşülär barışın däwam itterü mäs’äläsendä kileştelär.

Yuriy Uşakov Mäskäwdä jurnalistlarğa yasağan belderüendä Putinnıñ Trampnıñ maxsus wäkilläre Stiv Uitkoff häm Djared Kuşner belän oçraşuına bäyä birde.

Oçraşunıñ kiñ qırlı, konstruktiv häm faydalı buluın assızıqlağan Uşakov tübändägelärne äytte: «Putin Ukraina suğışınnan soñ Awrupada qurqınıçsızlıq sistemasın tözü qısalarında Rusiyä belän Ukraina arasındağı qurqınıçsızlıq mäs'älälären çişügä yünältelgän Amerika iniśiativasın xupladı. Xäzerge sistemanıñ êşlämäwe ap-açıq. Awrupa wäkilläreneñ dä urtaq qurqınıçsızlıqqa häm tınıçlıqqa nigezlängän yaña, ozın möddätle sistema parametrların bilgeläw êşenä quşıluın ömet itäbez. Bez bu mäs'älädä Amerikalı wäkillär belän êşçänlekne kiçekmästän başlarğa äzer».

AQŞ ilbaşı Donald Trampnıñ maxsus wäkile Stiv Uitkoff ta Rusiyä däwlät başlığı Vladimir Putin belän oçraşuında alğarışqa ireşelüen belderde.

Rusiyä başqalası Mäskäwdäge Vnukovo aêroportında jurnalistlarğa belderü yasağan Uitkoff: «Keşelär öç yaqlı (AQŞ-Rusiyä-Ukraina) söyläşülärne yañadan başlataçaqbız dip uylamıy ide. Bez alarnı qabat başlattıq. Yaña oçraşu öçen kön bilgelädek», — dide.

Kiläse söyläşülärdä Awrupa wäkilläreneñ dä qatnaşaçağın raslağan Uitkoff monıñ möhim buluın belderde.

Trampnıñ kiyawе häm maxsus wäkile Djared Kuşner da: «Ğomumän alğanda, barlıq mäs'älälär buyınça kiñ qırlı häm centekle söyläşü ütkärdek dip uylıym. Bu söyläşülär kiläçäktä uzaçaq küp yaqlı söyläşülärgä öleş kertер dip ömetlänäm», — dide.