Peskov Mäskäwdä jurnalistlarğa Ukrainadağı prośessqa qağılışlı belderülär yasadı.
Putinnıñ Franśiyädäge G-7 sammitına çaqıru alıp almawı turındağı sorawğa Peskov: “Älbättä, almadı”, — dide.
Dmitriy Peskov Rusiyäneñ Zelenskiy belän söyläşülär ütkärü turında küp sanlı täqdimnär yasawın belderep:”Ägär Zelenskiy cawaplı häm citdi söyläşülärgä äzer bulsa häm Kiyev rejimı monıñ närsä turında ikänen bik yaxşı belä, ul härwaqıt Mäskäwgä kilä ala häm anı monda qabul itäçäklär”, — dip äytte.
Peskov Mäskäw belän Kiyev arasında räsmi êlemtä kanalı barmı digän sorawğa “Mäskäw belän Kiyev arasında räsmi êlemtä kanalları yuq” dip cawap birde.
Peskov şulay uq AQŞ ilbaşı Donal'd Trampnıñ Yaqın Könçığış maxsus wäkile Stiv Witkoff häm kiyäwe Djared Kuşnernıñ Rusiyägä ixtimal säfäre turında da fikeren belderde. Ul älegä säfärneñ tögäl köne bilgelänmäwen iskärtte.
