Xalıqara matbuğatta NATO sammitları häm oçraşularınıñ yışlığı kimüe turındağı xäbärlärgä qarata NATO wäqalätlese “NATOnıñ çirattağı sammitı Albaniyädä uzaçaq, läkin sammitnıñ datası älegä bilgele tügel” dip belderde.
Albaniya premyer-ministrı Êdi Rama isä çirattağı sammit Tirana şähärendä uzarğa mömkin dip belderde. Ul äytkänçä, sammit 2027 yılda tügel, ä 2028 yılda bulırğa mömkin.
2025 yılnıñ 25 iyünendä Gaagada uzğan NATO sammitınıñ yomğaqlaу beldergesendä 2026 yılda Törkiyädä uzaçaq oçraşudan soñ liderlarnıñ Albaniyädä qabat oçraşırğa qarar qıluları äytelgän ide.
Läkin sammitnıñ datası kürsätelmägän ide.
NATOnıñ räsmi belderüenä qarağanda, sammitlar ittifaqnıñ säyäsi häm iminlek ixtıyaclarına bäyle räweştä Tönyaq Atlantika şurası qararı belän ütkärelsä dä, soñğı 10 yılda, COVID-19 çikläwläre ğamäldä bulğan 2020 yıldan qala, NATO liderları yıl sayın törle berlektäş illärneñ başqalalarında oçraşalar.























