AQŞ Üzäk komandalığınıñ räsmi X akkauntınnan yasalğan belderüdä: "Bügen irtänge säğätlärdä Yaqın Könçığıştağı AQŞ köçläre Ormuz buğazında xalıqara diñgez xäräkätenä yanağan İrannıñ ike kamikadze keşesez awa apparatın bärep töşerde. Amerikan köçläre İran agressiyäsenä qarşı saqlanuın däwam itü öçen äzer wazğiyättä urnaştı”, - dip äytelde.
Waşington häm Tähran arasında bäreleşlärne beterü öçen atnalar buyı alıp barıluçı turıdan-turı bulmağan söyläşülärgä qaramastan İrannıñ şimbä könne AQŞnıñ berlektäşläre Baxreyn belän Quveytnı raketa utına totuı belän bergä ikeyaqlı cawap qaytaru höcümnäre däwam itä.
Şimbä könne irtänge säğätlärdä AQŞ Üzäk komandalığı Ormuz buğazın häm Farsı qultığı illären nişan itep alğan höcümnärdän soñ İrannıñ Sirik häm Käşm utrawındağı yar buyı küzätü radar mäydannarın bärüen beldergän ide. İran inqilap saqçıları ğaskäre isä soñınnan yasağan belderündä bu höcümnärgä cawap itep AQŞnıñ töbäktäge xärbi bazaların raketalar belän nişan itep aluın iğlan itte.
