Amerikalı aktivist Djessi Djekson wafat
AQŞnıñ qara tänle aktivistlarınnan berse 84 yaşendä yaqtı dönyadan kitte
Ğailäse tarafınnan yasalğan belderüdä, AQŞnıñ qara tänle aktivistlarınnan berse bulğan Djessi Djeksonnıñ sişämbe irtän wafat buluı citkerelde. Ul 84 yaşendä ide.
Baptist wäğäzçese bulğan Djekson, 1960nçı yıllardan birle, yağni Martin Lyuter King Jr. belän bergä êş başqarğan häm bu däğwa öçen çığanaq êzlägän könnärdän birle keşe xoquqların yaqlawçı lider ide.
Ğailäse: "Ätieyebez ğailäbez öçen genä tırışlıq quymadı, ul bar dönyadağı mazlumnar, xoquqları bozılğan xalıqlar öçen tırıştı. Anıñ ğadellekkä, tigezleggä häm söyügä bulğan qaqşamas ışanıçı millionnarça keşene ayaqqa bastırdı. Sezdän, anıñ ğomere buyı köräşkän qimmätläre öçen köräşne däwam itep, anıñ isemen xörmätläwegezne sorıybız,” – dide.
Ğailäse ülem säbäben açıqlamadı läkin Djekson 2017nçe yılda Parkinson belän awıruın beldergän ide.
Media xäbärlärenä qarağanda, noyabr' ayında ul xastaxanägä salındı.
Xalıqara bäxäslärdä uñışlı aradaşçı bulğan baptist wäğäzçese altmış yıldan artıq waqıt milli säxnädä Afrikalı amerikannar öçen mäydannı kiñäytte.