Rusiyä xakimiyäte sişämbe könne Mäskäw häm anıñ tirä-yağına tönlä 650 dron qatnaşında yasalğan kiñ külämle höcümdä ber keşeneñ ülüen citkerde.

Töbäk gubernatorı Andrey Vorobyev Mäskäw yanındagı ber awılda 20 yäşlek ir-atnıñ ülüen häm küpsanlı yortlarnıñ zıyan kürüen belderde. “RIA Novosti” mäğlümat agentlığı altı keşeneñ yaralanuın xäbär itte.

TASS däwlät mäğlümat agentlığı isä bu höcümne soñğı ike yılda Mäskäw häm anıñ tirä-yağına yasalğan ikençe zur dron höcüme dip atadı.

Rusiyä häm Ukraina soñğı aylarda üzara yıraq aralarğa höcümnären köçäytte. Alar tınıç häm sänäğat asqormasına (şul isäptän ênergetika, transport häm port qorılmalarına), şulay uq, Qara diñgezdäge sudnolarğa yünältelgän.

Rusiyä qış yaqınlaşu belän asqorma obyektlarına, şul isäptän, Kiyevqa höcümnären arttıru planın iğlan itte.