Kreml’dän şimbä könne yasalğan belderügä qarağanda, Vladimir Putin AQŞ ilbaşı Donal’d Trampnıñ Pekinğa säfärennän soñ 19 mayda ike könlek säfär belän Qıtayğa bara.
Belderüdä äytelgänçä, säfär barışında Rusiya liderı Qıtay däwlät başlığı Si Cinpiñ belän Mäskäw häm Pekin arasındağı kiñ qırlı partnyerlıq häm strategik xezmättäşlekne tağın da nığıtu turında fiker alışaçaq.
Belderüdä liderlar möhim xalıqara häm regional’ mäs’älälär turında fiker alışaçaq häm söyläşülär azağında urtaq beldergegä qul quyaçaq diyelde.
TÄQDIM ITELÄ
Säfär qısalarında Putinnıñ şulay uq Qıtay prem’yer-ministrı belän iq’tisadi häm säwdä xezmättäşlege turında söyläşüe dä planlaştırıla.
Putinnıñ vizitı turındağı belderü Donal’d Trampnıñ Qıtayğa säfärennän soñ küp tä ütmi yasaldı.
