Soñğı 3 yılda Ğazzädä 74 meñ keşene ütergän İzrail xalıqnıñ barısın da diyärlek kim digändä ber tapqır yäşägän cirlärennän küçenergä mäcbür itte.
İzrail 2023 yılnıñ 7 oktyabrennän soñ Ğazzä sızığına hawa häm ciröste höcümnären arttırdı.
Öç yıl êçendä Ğazzägä 223 meñ tonna bomba taşlandı.
Bu Xirosimaga taşlanğan atom bombasınnan 16 tapqırğa kübräk.
Yaqınça 2 million keşe yäşägän Ğazzä sızığında küp sanda qorılma höcümnär näticäsendä cimerelde.
Berençe utnı tuqtatu 2023 yılnıñ 24 noyabrendä köçenä kerde. Yaqınça ber atna däwam itkän utnı tuqtatu 2023 yılnıñ 1 dekabrendä tämamlandı. Bu waqıtta 81 İzrail totqını häm 240 fälästinle totqın irekkä çığarıldı.
Utnı tuqtatunı ozaytu kötelgändä, İzrail ğäskärläre höcümnären yañadan başladı.
İkençe utnı tuqtatunıñ iğlan itelüe öçen isä ber yıldan artıq waqıt kiräk buldı.
2025 yılnıñ 19 ğıynwarında köçenä kergän utnı tuqtatu yaqınça ike ay däwam itte. Bu waqıtta 33 İzrail totqını häm 1900 fälästinle azat itelde.
İzrail utnı tuqtatunıñ ikençe êtabın tormışqa aşırunı totqarlap höcümnären däwam itte.
Qatıyl’ İzrail fälästinlelärne tik bombalar belän genä ütermäde, açlıqnı da qoral itep qullandı.
2025 yılnıñ 2 martında İzrail Ğazzägä kerü qapqaların yaqınça 11 atna däwamında tulısınça yaptı. Ğazzädä başlanğan açlıq häm citärlek tuqlana almaw arqasında 164e bala bulğan 460 keşeneñ ğomere özelde.
Dönyadan kilgän reakśiyälär täêsirendä İzrail yalğan yärdäm taratu üzäkläre dip atalğan urınnar buldırdı.
Läkin bu üzäklärne ülem tozaqlarına äyländerde. Älege urınnarda 2 meñ 600dän artıq fälästinle üterelde, 19 meñ keşe yaralandı.
Öçençe utnı tuqtatu Trampnıñ 20 maddädän torğan planı qısalarında 2025 yılnıñ 10 oktyabrennän köçenä kerde.
Utnı tuqtatunıñ kiläse êtapları öçen kiñ külämle plan äzerlände.
“Xamas” barlıq İzrail totqınnarın azat itte. Tönyaqtan quılğan fälästinlelär utnı tuqtatu barışında üz öylärenä qayta başladı.
Läkin alar qaytqaç kürgän berdänber närsä cimereklär ide...
Utnı tuqtatuğa qaramastan höcümnären däwam itkän İzrail tağın 1145 fälästinlene üterde. İkençe êtap äle dä başlanmadı.
Genośidta ülüçelär sanı 74 meñnän artqanda, 2 meñ 700dän artıq ğailä yuq itelde, 175 meñnän artıq fälästinle yaralandı. Meñlägän keşe äle dä cimereklär astında.
Üterelgän keşelärneñ 21 meñ 500e sabıylar häm balalar, ä 58 meñ 800 bala ata-anasınıñ kim digändä bersen yuğalttı.
