Lindmayer İzrailneñ 2023nçe yılnıñ oktyabrennän birle höcümnär oyıştırğan häm qamalış astında totqan Ğazzädäge sälamätlek saqlaw torışı belän bäyle sorawlarğa cawap birde.

"Ğazzädä küp sanlı äzerlängän şäfqat tutaşları häm tabiblar kiñ taralğan belem birü xezmätläre häm yuğarı vakśinaśiya kürsätkeçläre (mäsälän, 90% tan artıq) bulğan sistema bügenge köndä bankrotlıkka duçar bulğan sälamätlek saqlaw sistemasına äylände. Xäzer yaqınça 2 million 100 meñ keşe yärdämgä moxtac. 36 xastaxanädän barı tik 19ı öleşçä xezmät kürsätä ala. Qalğannarı bötenläy êşlämi. Şuña kürä Ğazzädä xäzer tulısınça êşli torğan xastaxanä yuq."

Ul 2 million 100 meñ yärdämgä moxtac keşe öçen barı tik 3 meñ tiräse urın buluın, reanimaśiyadä yaqınça 100 urınnıñ qaluın äytte.

"Näticädä sistema betkän xäldä häm bu çınnan da borçuğa sala çönki Ğazzäneñ ber waqıt bik yaxşı êşläwçe sälamätlek saqlaw sisteması bar ide," - dip äytte Lindmayer.

Lindmayer Ğazzädäge xastalarğa, balalarga, ata-analarğa häm berkemgä dä yardäm citkerä almawları turında äytte.

"Haman da êvakuaśiyalänüne kötüçe meñlägän keşe bar. Monnan tış, xäle awır bulğan qayber xastalarnı da êvakuaśiyaläp bulmıy," - dip belderde ul.