Könyaq Qıtay diñgezenä Amerika oçqıçı belän boralağı töşkän
AQŞ flotı ike faciğaneñ säbäplären tikşerä
AQŞ Diñgez köçläreneñ Tın okean flotı yäkşämbe töştän soñ “Nimiś” aviataşuçığa bäyle ber xärbi oçqıç häm boralaqnıñ Könçığış Qıtay diñgezenä 30 minut ara belän töşüen açıqladı.
Flot yasağan belderüdä boralaqtağı öç ekipaj äğzaseneñ qotqarıluın, xärbi oçqıçtağı ike pilotnıñ isä katapulta yärdämendä isän qaluın häm 5 personalnıñ da isän buluın citkerde.
İke faciğaneñ dä säbäpläre tikşerelä.
“Nimiś” aviataşuçı cäy buyı Yämän xusiläre tarafınnan säwdä köymälärenä oyıştırılğan höcümnärgä qarşı Yaqın Könçığışta wazıyfa başqarğannan soñ Vaşington ştatındağı Kitsap xärbi-diñgez bazasındağı töp portına qayta ide.
Bu - aviataşuçınıñ soñğı wazıyfası.
Başqa aviataşuçı “Garri Trumên” da soñğı aylarda Yaqın Könçığıştağı wazıyfası waqıtında berniçä hälakätkä yulıqtı.
Dekabr ayında raketa kreyserı “Gettisburg” yalğış qına “Garri Trumênnıñ” ber reaktiv oçqıçın bärep töşerde.
Aprel ayında başqa reaktiv oçqıç aviataşuçı palubasınnan şuıp, Qızıl diñgezgä töşte.
May ayında isä Qızıl diñgezdäge aviataşuçığa töşep utırğan xärbi köymä oçqıçlarnı tuqtatu öçen qullanılğan qorıç kabellärgä totına almıyça diñgezgä töşte, ike pilot katapulta yärdämendä isän qaldı.
Älege faciğalarda ülüçe bulmadı, hälakätlärneñ säbäbe älegä bilgesez.