Livannıñ tönyağında cimerelgän binada hälaq buluçılar sanı 9ğa citte
Grajdannar saqlanu oyışması ğomum mödire êzläw-qotqaru törkemnäreneñ cimereklär arasınnan 15 keşene çığaruın, alarnıñ altısınıñ isän buluın belderde.
Wäqalätlelär Livannıñ tönyagındağı Trablusşam şähärendä iske toraq binanıñ cimerelüe näticäsendä hälaq buluçılar sanınıñ tuğızğa citüen belderde.
Biş qatlı bina yäkşämbe köneneñ täwge säğatlärendä Trablusşamnıñ Bab äl-Tabbane mäxälläsendä cimerelgän. Waqıyğa urınında êzläw-qotqaru eşläre däwam itä.
Livan Grajdannar saqlanu oyışması ğomum mödire İmad Xreyç jurnalistlarğa cimereklär arasınnan 15 keşeneñ çığarıluın, alarnıñ altısınıñ isän kileş qotqarıluın citkerde.
“Anadolu Agentlığı” alğan mäğlümatlarğa qaraganda, qotqaru törkemnäre äle dä cimereklär astında qalğan dip sanaluçı yaqınça sigez keşegä ireşergä tırışa.