Kiyev mêrı Vitaliy Kliçko süzlärençä, Ukraina başqalasındağı Rusiyä höcümnärendä kim digändä 4 keşe hälaq bulğan, 10 keşe yaralanğan.

Mêr Kliçko “Telegram” kanalında bolay dip belderde:
“Başqalada 4 keşe hälaq buldı. 10 keşe yaralandı. Alarnıñ bişesen tabiblar xastaxanägä alıp kittelär. Qalğannarına waqıyğa urınında yärdäm kürsätelde”.

Rusiyä şulay uq tönlä Ukraina­nıñ başqa şähärlären dä höcüm itte.

Könçıgıştağı Xar’kovqa höcüm turındağı xäbärlär älegä raslanmağan.

Ukraina hawa köçläre: “Kiyevkä qarşı doşman pilot­sız oçu apparatları tarafınnan kiñ külämle höcüm däwam itä!”,-dip belderü yasadı.

Hawa köçläre böten Ukrainanıñ raketa qurqınıçı astında buluın häm Rusiyä oçqıçlarınıñ kük­kä kütärelüen rasladı.