Misırdağı yul hälakätendä 3 Qatar diplomatı ülde
Xalıqara sammit aldınnan barlıqq kilgän faciğada ike diplomat ta yaralandı
Misır mediası xäbärlärenä kürä Qızıl diñgez buyında urnaşqan Şarm-äş-Şäyx şähärendä barlıqqa kilgän yul faciğasendä öç Qatar diplomatı yaqtı dönyadan kitkän.
Qatar wäkillege maşinası Könyaq Sinaydağı töp yulda barğanda yul hälakätenä oçrıy, waqıyğada ike diplomat ta yaralana.
Ülüçelär Şarm-äş-Şäyxtäge Xalıqara xastaxanä morgına citkerelgän, yaralanuçılar xastaxanägä salınğan.
Düşämbe könne Şarm-äş-Şäyxtä xalıqara Ğazzä sammitı uzaçaq, anı Misır ilbaşı Ğabbdelfättäx äl-Sisi häm AQŞ liderı Donald Tramp citäkläyäçäk. Sammitta 20dän artıq ilneñ qatnaşuı kötelä.
Misırnıñ İlbaşı idaräse beldergänçä bu sammit Ğazzädäge suğışnı tuqtatu, Yaqın Könçığışta tınıçlıq häm totrıqlılıq urnaştıru häm töbäk iminlege belän totrıqlılığında yaña çor başlatunı maqsat itä.