Ukraina däwlät başlığı Volodimir Zelenskiy sişämbe könne yasağan belderüendä Rusiyäneñ Ukrainağa qarşı zur külämle höcümgä äzerlänüen belderep, Ukraina xalqın hawa höcümnäre turındağı kisätülärgä iğtibar itärgä çaqırdı.

Zelenskiy kiç belän yasağan çığışında räsmilärneñ höcümgä äzerleklär turında yaña küzläw mäğlümatları aluın, hawa köçläre häm başqa bülekçälärneñ isä saqlanu mömkinlekläre röxsät itkän külämdä cawap birergä äzer buluın äytte.

Volodimir Zelenskiy: “Monnan tış, küp närsä partnyerlarıbızğa, yağni bezgä kiräk bulğan saqlanu mömkinleklärenä iyä häm alarnı bezgä birä ala torğan dönyadağı barlıq illärgä bäyle. Bigräk tä Amerika Quşma Ştatları häm Awrupa tarafınnan monı êşläw öçen säyäsi ixtıyar buluı bik möhim”, — dide.

Rusiyä tışqı êşlär ministrlığı uzğan atnada çit il keşelären Kiyevtan kitärgä häm Ukrainağa barmasqa çaqırğan ide.

Ministrlıq Mäskäwneñ Kiyev häm Ukrainanıñ başqa şähärlärendäge xärbi  obyektlarğa qarşı zur külämle cawap höcümnären däwam itäçägen belderde.

 Belderüdä bu höcümnär Ukraina köçläreneñ Rusiyäneñ tınıç xalqına häm infrastrukturasına qarşı terrorçılıq ğamällärenä qarşı cawap dip äytelä.