Anadolu agentlığı belderüençä, Süriyäneñ Färat yılğasınıñ könçığışındağı Däyrizor vilayätendäge qäbilä köçläre zur neft' häm tabiğıy gaz mäydannarı bulğan töbäkne "YPG" terrorçılarınnan qotqardı.
Däyrizordağı Anadolu agentlığı törkemeneñ yäkşämbe könne citkergän mäğlümatlarına kürä, yılğanıñ könbatışınnan kilgän östämä köçlär belän Färatnıñ könçığışında xäräkät itüçe qäbilä törkemnäre Äl-Ömer neft' mäydanı belän Koniko tabiğıy gaz mäydanı kontrolen qulğa töşerde.
Êlegräk bu mäydannarnı xärbi baza bularaq qullanğan AQŞ köçläre çigengännän soñ, töbäktä qurqınıçsızlıq vakuumı barlıqqa kilgän. Cirle çığanaqlarğa kürä, qäbilä köçläre Färatnıñ könçığışında "YPG" terrorçılarına qarşı alğa baruın däwam itä. Alar küp kenä şähärçek häm awıllarnı üz kontrolenä alğan.
