Ukrainağa bäyle keşesez hawa apparatları Rusiyäneñ tönyaq-könbatışındağı Kirişidağı neft’ êşkärtü êşxanäsenä höcüm itte häm bärep töşerelgän dron kisäkläre yanğın çığarğan.

İkençe bötendönya suğışınnan bügengä qadär Awrupada kürelgän iñ zur suğışta ber yaqtan bäreleşlärne tuqtatu tırışlıqları bara, ikençe yaqtan dron suğışları könnän-kön arta.

NATOğa äğza bulğan Polşada Rusiyä dronnarı bärep töşerelä, Ukraina da dönyanıñ iñ zur ikençe neft êksportçısı bulğan Rusiyäneñ neft’ êşkärtü êşxanäläre häm ütkärgeçlärenä höcüm itep, cirläreneñ yaqınça 20%ın yawlağan Rusiyäneñ bu yawın finanslawına qomaçawlarğa tırışa.

Leningrad ölkase gubernatorı Aleksandr Drozdenko Kirişi töbägendä 3 dronnıñ yuqqa çığarıluın häm kisäkläre çığarğan yanğınnıñ sünderelüen açıqladı. Waqıyğada yaralanuçı bulmadı.

Ukrainanıñ dron komandirlığı êşxanägä höcümne döres dip belderep, uñışlı höcüm oyıştıruların citkerde.

Kirişidağı êşxanä könenä yaqınça 355 meñ miçkä neft êşkärtä häm bu ilneñ tuplam citeşterüeneñ 6,4%ına turı kilä.

Rusiyä tön buyı Ukrainağa bäyle 80nän artıq dronnıñ bärep töşerelüen açıqladı.

Monnan alda maqsat itep alınğan Başqortstandağı ber neft şirkäte şimbä könne oyıştırılğan dron höcümenä qaramastan citeşterü däräcäsen saqlayaçağın belderde.