Xalıqara ênergetika agentlığı pänceşämbe könne yasağan belderüendä strategik zapaslardan rekord külämdä neft’ çığaru turında kileşkännän soñ Yaqın Könçığıştağı suğışnıñ tarixdağı iñ zur neft täêminatınıñ özelüenä kiterüen citkerde.
Amerika Quşma Ştatları häm İzrail 28 fevral'dä İranğa hawa höcümnäre başlağannan birle, İran yarı buyınça suzılğan tar kanal bulğan Ormuz buğazın yabu mart ayında global’ neft täêminatın könenä 8 million miçkägä kimetüe kötelä.
Xalıqara ênergetika agentlığı üzeneñ soñğı aylıq neft’ bazarı xisabında Yaqın Könçığıştağı Farsı qultığı illäreneñ konflikt näticäsendä ğomumi neft’ citeşterüen kim digändä 10 million miçkägä kimetüen häm transport ağımı tiz arada qabat başlanmasa, bu yuğaltular artaçaq dip belderde.
Xalıqara ênergetika agentlığı: “Citeşterüneñ krizisqa qadärge däräcägä qaytuı oçen atnalar, xätta qayber oçraqlarda aylar kiräk bulırğa mömkin, bu mäydançıqnıñ qatlawlılığına häm êşçelärneñ, cihazlarnın häm çığanaqlarnıñ töbäkkä qaytu waqıtına bäyle”,- dip citkerde.
