Törkiyä statistika institutı tarafınnan ütkärelgän “Yort mäğlümati texnologiyalären qullanu buyınça tikşerenü – 2026” näticäläre iğlan itelde.

Tikşerenü näticälärenä kürä bıyıl ildä internet qullanu kürsätkeçe 16-74 yäşleklär arasında 92,3% täşkil itkän. Uzğan yıl bu kürsätkeç 90,9% dip terkälgän. Bu yäş törkemendä ir-atlar öçen internet qullanu kürsätkeçe 94,8%, ä xatın-qızlar öçen 89,9% dip terkälgän.

İnternet aşa däwlät xezmätlärennän faydalanuçılar kürsätkeçe 76% täşkil itkän.

Soñğı yılda räsmi xakimiyätlärneñ saytların häm quşımtaların şäxsi maqsatlarda qullanuçılar häm internet aşa däwlät xezmätlärennän faydalanuçılar kürsätkeçe 76% dip bilgelängän. Bu kürsätkeç ir-atlar öçen 82,7%, ä xatın-qızlar öçen 69,4% täşkil itkän.

Êlektron xökümät xezmätlärennän faydalanuçılarnıñ kürsätkeçen yäş törkemnäre buyınça tikşergändä bu kürsätkeçneñ 25-34 yäş törkemendä iñ yuğarı buluın (93%), ä 65-74 yäş törkemendä iñ tübän buluın kürep bula (31,3%).

Soñğı 3 ayda belem alu, hönäri yäki şäxsi maqsatlarda onlayn uqu êşçänlegen alıp baruçılar kürsätkeçe uzğan yıl belän çağıştırğanda bıyıl 5,2 ballğ artıp, 22,9% ka citte. Bu kürsätkeç ir-atlar öçen 22,4%, xatın-qızlar öçen 23,5% dip bilgelände.

Şäxeslärneñ 90% ı “WhatsApp” qullanğan.