Tramp idaräse Mên ştatında migrantlarğa qarşı basqınnar başladı
Möhacir cämğıyätläre urnaşqan ştatqa 100dän artıq federal agent cibärelde.
AQŞ ilbaşı Donald Tramp idaräse, Somalinı dä kertep, küp sandağı illärdän möhacir cämğıyätläre yäşäwçe Mên ştatında migrantlarğa qarata basqınnar başlattı.
Wäqalätle zatlar, ilbaşı Trampnıñ qaçaqlarnı tikşerü basqınınıñ ber öleşe bularaq, bu atnada 100dän artıq federal agentnıñ tönyaq-könçığış ştatqa kilüen belderde. Wäqalätle zatlarnıñ berse operatsiyäneñ möhacirlärgä yünälteläçägen äytte.
Mênnıñ säyäsi liderları häm möhacir cämğıyätläre östämä agentlar kilüenä ütkän atnada äzerlände. Mên gubernatorı, demokrat Janet Mills ütkän atnada Tramp idaräseneñ agressiv çaralarınıñ ştatta "xuş qarşılanmayaçağın" belderde.
Tramp 2025nçe yılnıñ urtasınnan birle demokratlar idarä itüçe şähärlärdä häm ştatlarda möhacirlärgä qarşı çaralarnı kiñäytte.
Soñğı atnalarda 3 meñgä yaqın federal agent Minnesotağa cibärelde.