Süriyädäge ğailälär Äl-Aqtan törmäsendä yuğaltqan yaqınnarın ezläwne däwam itä. Törmä sişämbe könne Süriyä armiyäse tarafınnan "YPG" terrorçı oyışması häm bärep töşerelgän rejimğa bäyle törkemnärdän qotqarılğan ide.

52 yaşlek Hind äl-Ard çärşämbe könne jurnalistlarğa 18 yäşlek ulınıñ "YPG" terrorçı oyışması tarafınnan yıl yarımğa törmägä maxküm itelüen häm soñğı cide ay buyı Süriyä armiyäse belän bäyläneşe bar digän gäyepläw belän saq astında totıluın äytte.

Äl-Ard ulı belän berrättän törmä kompleksı tışında bertuğanın da êzläwen belderde. Moña qadär ulı yanına öç märtäbä kerü röxsäte birelüen äytkän Äl-Ard, soñğı ber ay êçendä terrorçı oyışmasınıñ üzeneñ törmä qapqalarına yaqınlaşuına kirtä quyuın häm Yaña yıl çorında ulı belän küreşügä röxsät birmäwen äytte.

Äl-Ard: "Alla barlıq möselman totqınnarnı azat itsen. İnşallah, ulım da irekkä çığarılır,"— dide.

Äl-Aqtan törmäsendä närsälär buldı?

Äl-Aqtan törmäse Süriyädä Raqqa şähär üzägeneñ tönyaq-könçığışınnan 10 kilometr yıraqlıqta urnaşqan häm anda "DEAŞ" terrorçı oyışmasınıñ qayber äğzaları totıla ide, törmä "YPG" terrorçı oyışması kontrolendä buldı.

Süriyä armiyäse törmä kontrolen üz qulına alğannan soñ, "YPG" terrorçıları belän bäreleşlär başlandı.

Bäreleşlärdän soñ "YPG" törkemnäre êçtäge totqınnarnı azat itte häm töbäktän çigende.

Sişämbe köne Süriyä saqlanu ministrlığı Äl-Aqtan törmäsendä iminlekneñ tulısınça täêmin itelüen häm iminlek köçläreneñ obyekt tiräsendä urnaştırıluın açıqladı.

Süriyä ilbaşı idaräse dä sişämbe könne Xasäkä vilayäteneñ kiläçäge mäs'äläsendä "YPG" terrorçı oyışması belän "üzara añlaşu" täêmin itelüen belderde.

Saqlanu ministrlığı, şulay uq, "YPG" belän sişämbe könne cirle waqıt belän säğat 20.00dä üz köçenä kergän dürt könlek utnı tuqtatu kileşüen iğlan itte.