Törkiyä êkologik üzgärtep qoru maqsatlarına turı kiterep Awrupa investitsiyä bankınnan 200 million yevro aldı.

Qazna häm finans ministrlığınnan alınğan mäğlümatlarğa qarağanda, Törkiyäneñ uñay şartlar belän tışqı finanslaw alu tırışlığı däwam itä.

Törkiyäneñ yäşel küçeş maqsatlarına yärdäm itü öçen, Awrupa investitsiyä bankınnan finanslaw belän, qaznaçılıqnıñ qaytaru garantiyäse nigezendä, ğomumi summası 200 million yevro bulğan ike ayırım finanslaw kileşüe imzalandı.

Törkiyäneñ global klimat maqsatlarına häm yäşel üseş küzallawına turı kiterep, birelgän finanslaw real sektor häm êksportçılarnıñ yañartıla torğan ênergiyä, energiyä näticälelege, yäşel häm totrıqlı sänäğat ölkälärenä investitsiyälären xuplawğa yünältelgän.

Bu kreditlar belän bıyıl täêmin itelgän taşlamalı tışqı finanslawnıñ ğomumi küläme 4,9 milliard dollarğa citte.