Fung-vongnıñ yäkşämbe könne super tayfunğa äylänüe belän Filippinnıñ könçığış häm tönyaqlarında 100 meñnän artıq keşe êvakuaŝiyalände; köçle yawım-töşemnär, uragannar küzätelä.

İlneñ şaqtıy urınnarında kisätü işarätläre êlende. Lusonda iñ yuğarı bulğan 5 nomerlı kisätü yasaldı. Manila häm tirä-yağı öçen 3 nomerlısı iğlan itelde.

Tayfunnıñ tizlege - sägätenä 185 çaqrım. Qaywaqıt 230 çaqrımğa citä. Süper tayfunnıñ Lusondağı Avrora provinŝiyasenä kilüe kötelä.

Könçığış Visaynıñ qayber urınnarında ut bette.

300 reys ğamäldän çığarıldı

Xärbi bulmağan aviaŝiyağa kürä 300dän artıq oçqıç säfäre ğamäldän çığarıldı.

“ABS-CBN News” X platformasında urtaqlaşqan video yazmadan kürengänçä kük yöze bolıtlı, köçle cil ağaç botaqların çayqıy, yañğır tawışların işetep bula.

İldä berniçä kön êlek küzätelgän häm 204 keşeneñ ğomeren özgän Kalmaegi tayfunınnan soñ Fung-vong Filippinğa yaqınaydı.

Kalmaegi Filippinnan soñ Vyetnamğa citep, tağın 5 keşeneñ yaqtı dönyadan kitüenä säbäpçe buldı.