DÖNYA
1 min uqıu
Mongoliya ilbaşı korrupśiya ğayepläwlärennän soñ wazifasınnan kitäçägen belderde
Uxnaagiyn Xürêlsüx oppoziśiyädäge Demokratik partiya taläp itkän tikşerügä yul açu maqsatında wazifasınnan kitärgä rizalaştı.
Mongoliya ilbaşı korrupśiya ğayepläwlärennän soñ wazifasınnan kitäçägen belderde
Mongoliya ilbaşı Uxnaagiyn Xürêlsüx / AP (Wire)

Mongoliya ilbaşı Uxnaagiyn Xürêlsüx korrupśiya ğayepläwläre arqasında wazifasınnan kitäçägen häm üz isemen aqlaw öçen tikşerü prośessına keräçägen belderde.

Däwlät xäbär agentlığı Montsame sişämbe könne citkergän belderüdä Xürêlsüx oppoziśiyädäge Demokratik partiyäneñ anı citdi cinayätlärdä ğayepläwen häm wazifalarınnan kitüne taläp itüen äytte.

Xürelsüx: “Demokratik partiya xaqıyqatneñ açıqlanuı öçen wazifalarımnan kitärgä kiräk dide. Min riza. Şuña kürä min  Mongoliya ilbaşı wazifasınnan kitäm. Minem belän bäyle tikşerü ütkäreläçäk häm abruyım yañadan torğızılaçaq”, – dide.

Ber aydan artıq yala yağu häm xurlaw xarakterındağı höcümnärgä duçar buluın beldergän Xürelsüx, däwlät başlığına qarşı höcümneñ çınlqta xalıqnıñ abruyına höcüm itü buluın da östäde.

Älege belderü Demokratik partiya yuğarı däräcäle räsmilärne, şul isäptän Xürelsüxne dä,  korrupśiyädä ğayepläp tikşerü  ütkärergä çaqırğannan soñ ber kön uzğaç yasaldı.