Ukraina däwlät başlığı Volodimir Zelenskiy üz ilе qatnaşmağan oçraşuda Ukraina turında söyläşülär alıp barunıñ xata buluın belderde.
Zelenskiy AQŞnıñ “NBC News” telekanalına birgän intervyusında Rusiya-Ukraina suğışı, şulay uq Qıtay İlbaşı Şi Cinpiñ, AQŞ ilbaşı Donal'd Tramp häm Rusiya däwlät başlığı Vladimir Putinnıñ Qıtaynıñ Şênçjen şähärendäge oçraşuı turında fikerlären citkerde.
Volodimir Zelenskiy ilendä däwam itüçe suğışnı tuqtatu adımnarı Ukraina da qatnaşqan söyläşülärdä qaralırğa tiyeşlegen äytte.
Ukrainanıñ mondıy oçraşularda qatnaşmawın xata dip bäyälägän Zelenskiy bolay dide:
“Zur illär härwaqıt böten dönyanıñ kiläçäge turında qarar qabul itä alabız dip uylıy. Bu, hiçşiksez, zur xata. Ber il, xätta keçkenä il turında da, ul il qatnaşınnan başqa anıñ turında qarar qabul itü mömkin tügel”.
Zelenskiy suğışnı tuqtatu öçen AQŞ häm Qıtaynıñ Mäskäwgä basım yasawı citä dip bolay dide:
“Ägär dä alar çınnan da suğışnı tuqtatırğa häm uyınnar uynawdan tuqtarğa telilär ikän, alar monı êşli alalar”.






















