Polşa tışqı êşlär ministrı Radoslav Sikorski üz ileneñ İzrailneñ Ğazzädäge qanun bozuların häm xalıqara gumanitar xoquq bozuların ğayepläwen belderde.
Tışqı êşlär ministrlığı pänceşämbe könne yasağan belderügä qarağanda Sikorski “RMF” televideniyesenä birgän intervyuda bolay dide: "İzrail Ğazzädä xoquqlarnı boza häm xalıqara gumanitar xoquqnı taptıy. Bez monı ğayepläp kenä qalmıybız, İzrailneñ cir yawlap alu xäräkätlären dä yış tänqitlibez, fälästinle qaçaqlarnı yärdäm fondı belän täêmin itäbez häm BMOda İzrail yawlağan cirlär häm andagı keşelär öçen xisap birüe öçen tawış biräbez," - dide.
Ber kön êlek polşalı ber xalıq ışanıçlısı Tel-Aviv citäkçelegeneñ qırıslıqlarına iğtibarnı cälep itü öçen Varşavadağı parlamentta Davıt yoldızı urınına naśistlarnıñ svastikası urın alğan İzrail bayrağın kürsätte häm İzrailne “yaña öçençe Reyx" dip atadı.
Konrad Berkowicz Polşa parlamentınıñ tübän palatası bulğan Sejmda yasağan çığışında, İzrail xökümäten qırıs tel belän tänqitläde häm Polşanıñ İzrail belän bäyläneşlären özüen taläp itte.
Bu waqıyğa Polşada Ğazzädäge genośid mäs'äläsendä bolay da kiyerenke bulğan bäxäslär barğanda kilep çıqtı.
İzrail Ğazzädä 2023 yılnıñ oktäbrendä başlatqan genośidta 72 meñ 300dän artıq fälästinlene üterde.
Ğazzä xökümäteneñ media bülege beldergänçä, 2025 yılnıñ 10 oktäbrennän birle üz köçendä bulğan utnı tuqtatu kileşüenä qaramastan, İzrail köçläre bombalaw, ut açu häm basqınnar belän kileşüne bozunı däwam itä.
Sälamätlek saqlaw räsmiläre mäğlümatlarına qarağanda utnı tuqtatu iğlan itelgännän soñ kim digändä 757 keşeneñ ğomere özelgän häm 2 meñ 111 keşe yaralanğan.
