Ukraina däwlät başlığı Volodimir Zelenskiy AQŞ ilbaşı Donald Trampnıñ wäkilläre Djared Kuşner häm Stiv Witkoff belän telefon aşa söyläşüen citkerde.
Sotsial çeltärlärdäge yazmasında Zelenskiy Kuşner häm Witkoff belän telefon aşa söyläşüen häm Rusiyä-Ukraina konfliktın qarawların belderde.
Zelenskiy söyläşüneñ 1,5 säğat däwam itüen bilgeläp ütte häm: «Bez Ukraina, AQŞ häm Rusiyä arasında delegatsiyä däräcäsendä öç yaqlı formatqa äzerlänäbez, ber atnadan da azraq waqıt qaldı», – dide.
Zelenskiy, şulay uq, 2022 yılnıñ fevralennän birle däwam itüçe suğışnı tuqtatu häm Ukrainanıñ iminlegen garantiyäläw turında Belgiyäneñ Brüssel şähärendä söyläşülär bara dip bilgeläp ütte häm bolay dip östäde: «Bu suğışnı mömkin qadär tizräk tuqtatu öçen söyläşülärne intensiv räweştä alıp barırğa kiräk. Ukraina kiräkle adımnarnı yasarğa äzer: bezneñ täqdimnär açıq häm bez alarnı AQŞ yağına citkerdek».
