İran armiyäse wäkile, brigada generalı Möxämmäd Äkrämiyä AQŞnıñ teläsä-nindi yaña höcümenä "êlekkegä qaraganda kübräk, köçleräk häm tiz arada cawap bireläçäk" häm suğış töbäk belän genä çiklänmäyäçäk dip belderde.

İrannıñ "Mehr" agentlığı xäbär itüençä, armiyä wäkile Äkrämiyä üze qatnaşqan radiotapşıruda xäzerge waqıyğalar turında belderülär yasağan.

Äkrämiyä AQŞnıñ agressiya yanawlarına cawap itep, "doşman maqsat bankı" yañartıldı häm Qorallı Köçlärneñ saqlanu häm höcüm mömkinlekläre yaxşırtıldı dip belderde. Ul bolay dip östäde: "AQŞnıñ teläsä-nindi yaña agressiyasenä êlekkegä qarağanda kübräk, köçleräk häm tiz arada cawap bireläçäk, häm yaña suğış xälendä suğış geografiyäse Könbatış Aziyä töbäge belän genä çiklänmäyäçäk".

Xäbär itelgänçä, İrannıñ dini liderı Ayatulla Müctäba Xamaney 31 oktyabrdä Ğomumştab başlığı general-mayor Ali Abdullahi, İran armiyäse komandirı, general-mayor Ämir Xatami häm İnqıylab gvardiyase korpusı citäkçese, general-mayor Äxmät Vaxidi kebek yuğarı däräcädäge xärbi türälär belän oçraşuda teläsä nindi höcümgä "kiçektergesez, näticäle häm geografik çiklärsez" cawap birergä boyırğan.