Ukraina Tışqı küzläw xezmäte başlığı Röstäm Umerov Berläşkän Ğäräp Ämirlekläre başqalası Abu-Dabida AQŞ häm Awrupa wäkilläre belän Ukraina mäs’äläse buyınça söyläşülär başlanuın belderde.
Röstäm Umerov sośial' çeltärlärdäge akkauntınnan yasağan belderüdä 2022 yılnıñ fevralennän birle däwam itkän Rusiä-Ukraina suğışın tuqtatuğa yünältelgän tırışlıqlar qısalarında Abu-Dabida Ukraina mäs’äläse buyınça söyläşülär başlanuın citkerde.
Abu-Dabida bügen AQŞ, Rusiä häm Ukraina qatnaşında öç yaqlı söyläşülär uzaçağın iskä töşergän Umerov bolay dip däwam itte:
"Berence oçraşu Böyekbritaniya, Franśiya, Germaniya, İtaliya, NATO häm Awrupa komissiyase wäkilläre belän uzaçaq. Oçraşuda AQŞnıñ maxsus wäkilläre Stiv Vitkov häm Djared Kuşner da qatnaşaçaq. Çirattağı söyläşülär basqıçına küçkänçe, poziśiyalärebezne çağıştırıp, adımnarıbıznı koordinaśiyaläyäçäkbez. Annan soñ Ukraina, AQŞ häm Rusiya qatnaşında öç yaqlı formatta söyläşülär uzaçaq."
Umerov üz yazmasında: "Östenleklär arasında bäreleşlärne tuqtatu, suğıştan soñ iminlek garantiyalären täêmin itü, Ukrainanıñ iqtisadi yaqtan tuparlanuı häm üseşe, şulay uq gumanitar adımnar bar", — dip belderde.
