“The New York Times” gazetı xäbär itüençä, AQŞ däwlät särqatibe Marko Rubio cömhüriyätçelärneñ ara saylawlarda ottıruınnan soñ kiläse adımnarın bäyälägändä, Tramp administratsiyasennän kitärgä cıyınuı turındağı xäbärne kire qaqtı.

Pänceşämbe könne “The New York Times” gazetına birgän intervyusında Rubio Donald Trampnıñ wäqalätläre tämamlanğançı anıñ belän êşläw "härwaqıt planınıñ ber öleşe" buluın belderde.

Rubio, şulay uq, Trampnıñ milli qurqınıçsızlıq buyınça kiñäşçese dä, ul 2028 yılğı ilbaşı känäfiye öçen köräştä Trampnıñ potensial varislarınnan berse dip sanala.

Pänceşämbe könne “Bloomberg” basması Rubionıñ wazıyfasınnan kitärgä uylawın farazlağan ide. Xäbärlärdä anıñ bu turıda Aq Yort wäqalätleläre belän söyläşüe häm Rubiodan qaluın sorawları äytelä.

Däwlät departamentı Rubionıñ kitärgä cıyınuı turındağı xäbärlärgä kisken räweştä cawap birde.