Rusiyä tışqı êşlär ministrlığı üz köçläreneñ Kiyevtağı Qatar tulı wäqalätle ilçeleğenä höcüm itüe turındağı ğäyepläwlärne kire qaqtı häm diplomatik missiyägä kiterelgän zıyannıñ Ukrainanıñ hawa saqlanu sistemasındağı citeşsezlek näticäsendä barlıqqa kilüen alğa sörde.
Rusiyä ministrlığı şimbä könne yasağan belderüendä: «Diplomatik missiyälärgä Rusiyä Qorallı Köçläre berqayçan da höcüm itmäde”,- dide.
Mäskäw, bilgelängän höcüm maqsatlarınıñ Qatar diplomatik missiyäse tiräsendä bulmawın alğa sörep, Ukraina hawa saqlanu sistemasında citeşsezlek bulğan häm bu ilçelek binasına zıyan kitergän digän fikeren yaqladı.
Belderüdä şulay uq “Rusiyä Qatar däwläten östenlekle partnyer häm dus il dip sanıy” digän süzlär dä urın aldı.
Rusiyä tışqı êşlär ministrlığınıñ bu belderüe Ukraina ilbaşı Volodimir Zelenskiy süzlärennän soñ yasaldı.
Zelenskiy, “Oreşnik “raketasın da kertep, 200dän artıq pilotsız oçu apparatı häm törle qanatlı raketalar qatnaşqan kiñ qolaçlı höcümnän soñ belderü yasap, pilotsız oçu apparatlarınnan berseneñ Qatar ilçelege binasına zıyan kiterüen äytkän ide.
