Ärdoğan “Zäñgär watan”da başbaştaqlıqqa da, qaraqlıqqa da, piratlıqqa berqayçan da küz yommayaçaqların citkerde.
Ul Yaña yıl yullamasında Änkaranıñ Urta diñgez könçığışında mämläkätneñ häm Kipr Törek xalqınıñ mänfäğatlärenä qarşı artuçı yanawlarnı iğtibar belän küzätep baruın belderde.
Süriyädä tınıçlıq moxite nıqaya barğan sayın üz irekläre belän kire qaytuçılarnıñ da artuın äytep, Ärdoğan soñğı ber yılda 600 meñ süriyäleneñ üz illärenä qaytuın äytte.
Ul Törkiyäneñ, êtnik yäki mäzhäp ayırmasın iğtibarğa almıyça, Süriyä xalqınıñ tınıçlığı häm qurqınıçsızlığı öçen yaña citäkçelekkä yärdäm itäçägen assızıqladı.
Ğazzä mäs'äläsenä dä tuqtatılıp, Ärdoğan, küpçelege xatın-qız häm balalar bulğan 71 000 Fälästinleneñ ülemendä gäyeplelär cawap birgängä qädär Törkiyäneñ süzsez qalmayaçağın äytte. Şulay uq, ul İzrailneñ höcümnären tuqtatu, Ğazzägä gumanitar yärdäm kerüen tizlätü häm yañadan tözelüş êşlären başlaw öçen zur tırışlıq quyuın da süzlärenä östäde.
