AQŞnıñ Törkiyädäge ilçese häm Süriyä maxsus wäkile Tom Barak Törkiyäneñ xärbi säläte häm fälästinle törkem “Xamas” belän bulğan dialog kanalların nigeznamä kürsätep, Ğazzä öçen qorıluı täqdim itelgän xalıqara totrıqlılıq köçenä quşıluı zarurlığın belderde.
Pänceşämbe könne izraille jurnalist Amiçai Steyn tarafınnan X platformasında urtaqlaşılğan belderülärdä Barak Törkiyäneñ Xalıqara totrıqlılıq köçen nığıtaçağın äytte.
Barak tübändägeçä däwam itte: “Täqdimebez bolay ide: töreklärneñ töbäktä iñ zur häm iñ êffektiv cir öste köçläre operaśiyasenä iyä bulğanı häm “Xamas” belän dialog alıp barğanı öçen bu wazğıyät bälki basımnı kimetergä bulışaçaq köç strukturasınıñ öleşe bula ala.”
AQŞ ilbaşı Donald Trampnıñ planı qısalarındağı utnı tuqtatu kileşüe 10 oktäbrdä ğamälgä kerde häm ike yıllıq İzrail höcümnären tuqtattı.
Suğışta 70 meñnän artıq keşe üterelde, 171 meñ tiräse keşe yaralandı.
