Kêmbridj süzlege 2025nçe yılnıñ süze itep «parasotsial» süzen sayladı. Ul keşelärneñ üzläre belän tanış bulmağan media şäxesläre yäisä yasalma aqıl belän bäyläneşen tasvirlıy.
Bu terminnı sotsiologlar Donald Xorton häm Riçard Vol bilgelägän. Alar televizor qarawçılarda êkranda kürgän keşelär belän ğailä häm duslarğa qarata bulgan mönäsäbätlärgä oxşaş bäyläneş barlıqqa kilüen küzätkän.
Süzlek misal itep tanılğan cırçı Taylor Swift häm amerikalı futbolçı Trêvis Kelsi mönäsäbätlären kiterde, küp fanatlar, alar belän berqayçan da oçraşmasa da, köçle bäyläneş toyuın äytä.
Kêmbridj süzlege sişämbe könne yasağan belderüendä yasalma aqıl botları belän parasotsial mönäsäbätlärneñ barlıqqa kilüe keşelärne ChatGPTnı serdäş, dus yäisä xätta romantik partner bularaq kürä başlawına kiterüen yazdı.
“Dönyada millionlağan keşe parasotsial mönäsäbätlärdä tora; tağın da kübräk keşe isä monı qızııqsınıp küzätä. Mäğlumatlar şunı kürsätä: Kêmbridj süzlege säxifäsendä 'parasotsial' süzen êzläwlär kisken arttı,” dip bilgeläde belderü.
