Säwdä ministrlığı belderüendä “Törki däwlätlär oyışmasına äğza däwlätlär xökümätläre arasında śifrlı iqtisad partnyerlığı kileşüen raslaw turındağı qanun"nıñ Räsmi gazetta basılıp çığuı xäbär itelde.

Belderüdä Törkiyäneñ, Azärbaycan häm Üzbäkstannan soñ, älege kileşügä qağılışlı êçke raslaw prośessın tämamlağan öçençe il buluına basım yasaldı.

Şulay uq Qırğızstan belän Qazaqstan da êçke raslawların tämamlağannan soñ kileşüneñ ğamälgä keräçäge citkerelde.

Belderüdä kileşü turında mäğlümat birelep bolay diyelä: "Kileşü belän Törki däwlätlär oyışmasına äğza däwlätlär arasında êlektron säwdä, śifrlı xezmätlär häm çik ar’yağı mäğlümatına nigezlängän iqtisadi êşçänlek aldındağı kirtälär beterelep, älege êşçänleklär ciñeläyteläçäk häm urtaq qağıydälär qabul iteläçäk. Şulay itep, śifrlı’ iqtisadta integratsiyälängän häm farazlana alğan xezmättäşlek nigeze buldırılaçaq”.

Şulay uq belderüdä törki dönyada säwdä häm texnologik integratsiyäne nığıtu, êşxanälärneñ śifrlı bazarlarğa ireşüen ciñeläytä torğan innovaśion texnologiyälär qullanuın täşwiq itü häm regional’ köndäşlek säläten arttıruğa iğtibar cälep itelde.