Ärdogan Barzani belän töbäktäge soñğı wazğıyätne söyläşte

Törkiyä ilbaşı Räcäp Tayyip Ärdoğan häm Ğiraq Körd Regional citäkçelege başlığı Näçirvan Barzani telefon aşa söyläşep, töbäktäge soñğı wazğıyätne qaradılar.

Törkiyä Cömhüriyäteneñ êlemtä räislege Törkiyäneñ soŝial’ media platforması “NSosyal”da yasağan açıqlawına kürä, Ärdoğan söyläşüdä Törkiyäneñ töbäkne ozın möddätle fäläkätkä alıp barırday omtılışlarğa qarşı tırışlıqların däwam itäçägen häm terror oyışmaları belän alarğa bäyle törkemnärneñ soñğı waqıttağı xäräkätläreneñ yaqınnan küzätelüen belderde.

Ärdoğan: “Törkiyä bu möhim barışta Ğiraqnıñ yanında bulaçaq”, – dide.

Şulay uq ul Törkiyäneñ töbäktäge bäreleşlärne tuqtatu häm söyläşü barışına qaytu öçen tığız räweştä êşläwenä basım yasadı.

Söyläşü waqıtında Ärdoğan häm Barzani “Terrorsız Törkiyä” iniŝiativasınıñ ähämiyäten dä assızıqladılar.

İlbaşı Ärdoğan monnan alda İstanbulda uzğan Törki Däwlätlär Oyışmasınıñ räsmi bulmağan sammitı qısalarında Törki Şura tışqı êşlär ministrların qabul itkän ide.