BMO: Ğazzädäge xatın-qızlar häm qızlar iñ cimergeç gumanitar krizislarnıñ bersen kiçerä

BMO Xatın-qızlar oyışmasınıñ yuğarı däräcäle wäkile, İzrail tarafınnan cimerelgän Ğazzädäge xatın-qızlar häm qızlarnıñ dönyanıñ iñ cimergeç gumanitar krizislarnıñ bersen kiçerüen belderde.

BMO Xatın-qızlar oyışmasınıñ säyäsät, programma häm xökümätlärara däwlät yärdäme mödire Sara Xendriks Fälästindäge küp keşe öçen isän qalu köndälek köräşkä äylängänen äytte.

Xendriks, Nyu-Yorktağı BMO üzägendä oyıştırğan matbuğat konferenŝiäsendä jurnalistlarğa bolay dide: "Ğazzädäge xatın-qızlar häm qız balalar, isän qalu köndälek köräşkä äylängän, dönyanıñ iñ cimergeç gumanitar tragediälärennän häm çınbarlıqlarınnan bersen kiçerä.”

BMO ğomüm särqätibe Antoniu Guterreşnıñ bäreleşlärne tuqtatu çaqıruın qabatlağan Xendriks artqan qırıslıq waqıyğaları arqasında Yaqın Könçığıştağı xatın-qızlar häm qız balalarğa çın küñeldän teläktäşlektä buluın citkerde.

Xendriks BMO Xatın-qızlar oyışmasınıñ Ğazzädä mäcbüri küçenü, travma häm iminsezlek belän köräş öçen xatın-qızlar citäkçelegendäge oyışmalar belän bergä êşläwen äytte.

"İxtıyacları - isän qalu ğına tügel. Alar qäder-xörmät, ğadälät, yäşäw çığanaqları häm kiläçäklären yañadan tözüdä rol’ sorıy," – dide ul.