Törkiyä Tön’yaq Kipr Törek Cömhüriyätenä 6 "F-16" xärbi oçqıçı häm saqlanu sistemaları urnaştırdı
Törkiyä töbäktäge kiyerenkeleklär häm qurqınıçlar artu säbäple Tön’yaq Kipr Törek Cömhüriyäten xärbi oçqıçılar häm hawa saqlanu sistemaları belän nığıta.
Törkiyä milli saqlanu ministrlığı Tön’yaq Kipr Törek Cömhüriyätenä 6 danä “F-16” xärbi oçqıçı häm hawa saqlanu sistemaları urnaştırıluın rasladı.
Bu qarar Yaqın Könçığıştağıı suğış barışında Tön’yaq Kipr Törek Cömhüriyäteneñ iminlegen arttıruğa yünältelgän êtaplı plannıñ ber öleşe.
Ministrlıq urnaştırunıñ töbäktäge soñğı täräqqiyät’lär qısalarında başqarıluın häm wäzğıyät’kä qarap, bäyäläwlär nigezendä kiräk bulsa östämä çaralar küreläçägen belderde.
Belderüdä töbäktäge kiyerenkeleklär köçäygän waqıtta Tön’yaq Kipr törekläreneñ iminlegen nığıtuğa basım yasaldı.
Saqlanu ministrlığı belderüendä:
“Waqıyğalarnı bäyäläw nigezendä ägär kiräk bulsa östämä çaralar küreläçäk”,-diyelde.
Bu qarar Könçığış Urta diñgezdä totrıqsızlıq artu turındağı xäbärlärdän soñ, şul isäptän İranğa qarşı däwam itüçe İzrail -AQŞ suğışı häm Törkiyä hawa kiñlegenä kergänçe totqarlanğan İran raketa höcüme turındağı xäbärlärdän soñ qabul itelde.
Kön’yaq Kipr grek citäkçelege kontrolendäge cirlärdä Angliya xärbi bazası urnaşqan.
1983 yılda oyışqan häm Törkiyä tarafınnan tanılğan Tön’yaq Kipr Törek Cömhüriyäte 1960 yılğı Garantiya kileşüe qısalarındağı Änkaranıñ garantlıq statusı astında küptännän birle Törkiyä köçlären qabul itä.