Paqıstan Ğazzädä ixtimal xalıqara totrıqlılıq köçenä üz öleşen kertергә äzer buluın, läkin fälästinle qarşılıq kürsätü törkeme  “Xamas”nı qoralsızlandıruğa äzer tügellegen belderde.

Paqıstan prem’yer-ministrı urınbasarı häm tışqı êşlär ministrı İsxaq Dar İslamabadta jurnalistlarğa bolay dide:

“Ägär Fälästindä xalıqara totrıqlılıq köçe urnaştırunıñ maqsatı “Xamas”nı qoralsızlandıru ikän — bez moña äzer tügel, bu bezneñ êş tügel. Bu — Fälastin xoquq saqlaw organnarınıñ wazıyfası”.

Dar süzlärençä, ägär köçneñ maqsatı tınıçlıqnı saqlaw bulsa, İslamabad moña hiçşiksez üz öleşen kertеrgä äzer.

Dar totrıqlılıq köçenä qağılışlı berençe söyläşülärdä qatnaşuın häm İndoneziyäneñ 20 meñ ğäskär täq’dim itüen citkerde.

İsxaq Dar: “Läkin belüemçä, ägär bu “Xamas”nı qoralsızlandırunı üz êçenä ala ikän, İndoneziyädäge wazıyfadaşım da räsmi bulmağan räweştä şiklänü belderde”, — dip östäde.

Bu ay başında BMO İminlek şurası AQŞ äzerlägän qararnı qabul itte.

Älege qarar idarä itü, yañadan torğızu häm iminlek tırışlıqların küzätü öçen yaña waqıtlı tınıçlıq şurası tözüne häm xalıqara totrıqlılıq köçenä wäqalät birüne küzdä tota.