Fälästindäge üzäk statistika byurosınıñ 2026 yılnıñ 18 iyül' könge mäğlümatlarına kürä, İzrayil 2023nçe yılnıñ oktäbrendä başlatqan höcümnäre näticäsendä älege ayğa qädär Ğazzä sızığında 12 400 xatın-qız hälaq bulğan.

Mäğlümatlardan kürengänçä 11 200 yuğalğan keşe arasında 4 700 xatın-qız häm bala bar. Alarnıñ qayberläreneñ cimerelgän binalar astında qaluı farazlana.

Xatın-qızlar arasında zur yuğaltular

BMO ağımdağı yılnıñ aprel' ayında bastırğan “Suğış bäyäsen xatın-qızlar häm qız balalar tüli” dip atalğan xisapta 2023nçe yılnıñ oktäbrennän 2025nçe yılnıñ dekabrenä qädär 38 meñnän artıq xatın-qız häm qız bala İzrail höcümnärendä ülgän dip äytelä.

Xisapka kürä şul uq çorda 11 meñ xatın-qız häm qız bala ğomer buyı däwam itäçäk yaralar alğan.

İsän qalğan xatın-qızlarnıñ bombağa totu, açlıq, qabatlanuçı yortsız qalular häm töp xezmätlärgä ireşep bulmaw arqasında här kön törle qurqınıçlar belän oçraşuı assızıqlandı.

Ğazzädä älege çorda 71 200 dän artıq fälästinle ülgän; xatın-qızlar, balalar häm olılarnıñ bu yuğaltularnıñ yartısınnan artığın täşkil itüe äytelä.

Reproduktiv sälamätlek naçarlandı

Xalıqara ğailä planlaw federaśiyase 2024 yılnıñ iyülendä citkergänçä höcümnärneñ berençe 9 ayında Ğazzädäge bala töşerü oçraqları kim digändä 300% ka artqan.

Keşe xaqları öçen tabiblar oyışması da ağımdağı yılnıñ ğinwarında bastırğan xisabında 2025neñ berençe 6 ayında 2 600 bala töşerü oçrağınıñ terkälüen xäbär itte.

Xisaptan kürengänçä yöklelekkä bäyle 220 ülem häm 1460 irtä tuu oçrağı terkälgän, 2500dän artıq yaña tuğan bala intensiv terapiya büleklärendä däwalanğan.

Sośial däräcädä höcümnär Ğazzädäge meñlägän ğailäneñ strukturasın tirän qaqşattı.

İrläreneñ üleme, cäräxätlänüe yäki yuğaluı, şulay uq kerem çığanaqlarınıñ özelüe arqasında ğailäne täêmin itü yögen kütärergä mäcbür bulğan xatın-qızlar sanı tiz arttı.