Kyork cinayätennän soñ AQŞta Tarixi qara tänlelär universitetları häm kolledjları yabıldı.

İldä qara tänle studentlar uqığan kolledj häm universitetlarğa kilgän yanawlar arqasında uqu yortları yabıldı, däreslär ğamäldän çığarıldı häm iminlek çaraları arttırıldı.

“ABC News” beldergänçä AQŞta küpçelek qara tänlelär uqığan universitet häm kolledjlar yanawlar kilgännän soñ yabıldı.

FBR şaqtıy uqu yortlarına kilgän yalğan yanawlarnı tikşerüen döres dip citkerde.

Uqu yortların yabu qararları çärşämbe könne Yutadağı Vêlli universitetında oyıştırılğan ber kampus çarasında Çarli Kyorkneñ atıp üterelüennän soñ qabul itelde.

Alabamadağı Steyt universitetı, Virdjiniadağı Steyt, Xêmpton universitetları, Luizianadağı Southern universitetı häm Djordjiyadağı Klark Atlanta universitetı saqlıq çarası bularaq yabıluların açıqladı.

Xêmpton universitetı internet säxifäsenä kürä pänceşämbe häm comğa könnärendä sport çaraları belän ber rättän mäcbüri bulmağan barlıq çaralarnı tuqtattı.

Virdjiniadağı Steyt universitetı; cirle, ştattağı häm federal iminlek köçläre yanawnıñ citdilegen tikşerergä däwam itkändä yabıq bulaçağın açıqladı.

Luiziana ştatındağı Southern universitetı “Baton Rouge” kampusın yaptı. Älege yuğarı uqu yortı atna azağında uzuı planlaştırılğan kampustağı barlıq çaralar häm däreslärne ğamäldän çığardı.

AQŞnıñ Wäkillär palatası äğzase, Luizianadan demokrat Troy Karter yanawlarnı çirqanıç höcümnär dip atadı häm Tarixi qara tänlelär universitetları häm kolledjlarına yasaluçı yanawnıñ “barıbızğa kilgän yanaw” dide.

“Bu yanawlarğa tüzep torırğa, alarnı iğtibarsız qaldırırğa yaramıy. Tiz häm täwäkkäl räweştä cawap qaytarırğa kiräk,” – dide ul.

Floridadağı Bethune-Cookman universitetı da ixtimallı yanawlar arqasında yabıldı.

FBR bu yanawlarğa ğayepsez keşelärne risk astına quyğanı öçen bik citdi qarawın belderde läkin yanawlarnıñ çın bulıp bulmawın belmäwen äytte.