Törkiyä tışqı êşlär ministrı Xaqan Fidan Änkarada oyıştırılğan iftar programmasında İslam xezmättäşlek oyışmasına äğ’za häm küzätüçe illär ilçeläre, şulay uq oyışmanıñ Törkiyädäge wäkilläre belän oçraştı.

Diplomatik çığanaqlarğa qarağanda, iftar aşı çärşämbe könne başqaladağı qunaqxanädä uzdı.

Fidan sośial’ mediada tübändägelärne urtaqlaşatı:“İslam xezmättäşlek oyışması gumanitar häm säyäsi krizislar waqıtında İslam dön’yasına bergäläp êş itärgä mömkinlek birä, global’ masştabta ğadellek urnaştıruda könnän-kön näticäleräk rol’ uynıy”.

Xaqan Fidan şulay uq Törkiyäneñ İslam xezmättäşlek oyışması tışqı êşlär ministrları şurası räise bularaq oyışma êşçänlegenä öleş kertüne däwam itäçägen äytte.

Tışqı êşlär ministrı bolay dip östäde:“Min bu izge aynıñ böten keşelek öçen tınıçlıq kiterüen telim, xörmätle ilçelärgä qatnaşqannarı öçen  räxmätemne belderäm”.