Törkiyäneñ könyaq-könçığışında urnaşqan häm YUNESKOnıñ  Bötendönya mirası isemlegenä kertelgän Göbäklitäpägä qağılışlı  96 äsär 2026 nçı yılda Germaniyädä kürsäteläçäk.

Törkiyä mäđäniyät häm turizm ministrı urınbasarı Gökhan Yazğı, “Anadolu” agentlığına yasağan belderüendä, ministrlıqnıñ Göbeklitäpäne Törkiyädä dä, çit illärdä dä tanıtu öçen ber ük waqıtta törle proyektlar östendä êşläwen äytte.

Yazğı uzğan yıl Rimdağı Kolizeyda oyıştırılğan “Göbäklitäpä: izge urınnıñ serläre” kürgäzmäsen iskä töşerep, bu kürgäzmäneñ 6 millionnan artıq keşe cälep itüen belderde.

Bu yulı Göbäklitäpäneñ Berlindä “Taştağı miflar: Göbäklitäpä häm soñğı awçılarnıñ dön’yası” iseme astında tanıtılaçağın beldergän Yazğı neolit mirasnı tanıtuğa bağışlanğan adımnarnıñ tizlänüen assızıqladı.

"Taş qalqulıqlar proyektı” – dönyada tiñe bulmağan proyekt. Bu proyekt belän Göbeklitäpä  dön’yaküläm turizm häm arxeologiya ölkäsendä bik ayırılıp tora. Bıyılğa qädär 500 meñnän artıq qunaq qabul itte häm biregä kilüçelär sanı könnän-kön arta”, – dide Yazğı.

Yazgı Berlindagı kürgäzmäneñ Göbäklitäpäne global’ tanıtuda soñğı adım buluın assızıqlap, ministrlıqnıñ Berlindağı Muzey utrawında zur proyekt başlataçağın häm başqa illärdä dä şundıy uq çaralar planlaştıruın äytte.

Yazğı: "Törkiyäne tanıtu häm ilebezneñ mädäniyät turizmına  öleş kertkän bu qıymmätle mirasnıñ dön’ya külämendä tanıluı öçen zur tırışlıq quyabız”,- dide.

Ministr urınbasarı Germaniyäneñ Awrupadağı üzäk urınına basım yasap, kürgäzmäneñ arxeologiya söyüçelärneñ kiñ auditoriyäsenä ireşäçägen äytte.

Kürgäzmädä Göbeklitäpädäge 3 äsärneñ replikası, Göbeklitäpä qarşı alu üzägendä qunaqlarğa täqdim itelgän film’nardän törle tellärdä özeklär, törle sanlı êşçänleklär häm mäğ’lümat taqtaları quyu planlaştırıla.

Kürgäzmä 2026 nçı yılnıñ fevralendä açılaçaq häm 6 ay êşläyäçäk.