Yaponiyäneñ Osaka şähärendä 2009 yılda ber avtomat uyın zalına ut törtep, 5 keşeneñ ülemenä säbäpçe bulğan mäxkümne astılar.
“Kyodo” agentlığı xäbärenä kürä, 58 yäşendäge Sunao Takamiğa çığarılğan ülem cäzası qararı ğamälgä aşırıldı.
Ğadälät ministrı Xiroşi Xiraguçi matbuğat oçraşuında: "İğtibarlı häm centekle bäyäläwlärneñ näticäsendä ülem cäzasın ğamälgä aşırırğa boyırıq birdem," - dip äytte.
TÄQDIM ITELÄ
Takami 2009nçı yılnıñ 5 iyülendä ber uyın zalınıñ idänenä benzin tügep ut törtä, näticädä, 5 keşeneñ ğomere özelä häm 10 keşe törle tän cäräxätläre ala.
2016 yılda täğayenlängän ülem cäzası qararı alğan Takami, ildä 2025nçe yılnıñ iyünennän birle ülem cäzasına tartılğan berençe mäxküm buldı.
