Izrail köçläre ut tuqtatu iğlan itelügä qaramastan, comğa irtäsendä Xan Yunıs häm Ğazzäne bombalarğa däwam itte.

Fälästinneñ xäbär agentlığı “Wafa” mäğlümatlarına qarağanda Xan Yunıs üzägendäge Al-Katiba töbägenä berniçä artilleriya tubı töşkän, şähär östendä dronnar kürengän.

Ğazzäneñ könçığışına da artilleriya höcüme yasalğan häm boralaqlardan ut açılğan.

Izrail xökümäte comğa irtän Ministrlar kabinetı ofisı tarafınnan yasalğan belderüdä suğışnı tuqtatu häm fälästinle törkemnär belän äsirlär belän almaşu kileşüen raslawın citkerde.

Izrail mäğlümat çaraları xäbär itkänçä utnı tuqtatu kileşüe Izrailneñ raslawınnan soñ şunduq ğamälgä kerde.

29 sentyabr könne Tramp Ğazzä öçen 20 maddädän toruçı utnı tuqtatu planın täqdim itkän ide. Bu plan barlıq Izraille totıqlarnı azat itüne, yaqınça 2000 Fälästin totqının çığarunı, daimi ut tuqtatunı häm Izrail köçläreneñ töbäktän äkrenläp çigenüen üz eçenä ala.

Plannıñ ikençe êtabında Ğazzädä Fälästinneñ qarşılıq kürsätü törkeme “Xamas” qatnaşınnan başqa yaña citäkçelek mexanizmınıñ tözelüe, fälästinlelär häm ğäräp-möselman illäre ğäskärilärennän torğan iminlek köçläreneñ formalaşuı häm “Xamas”nıñ qoralsızlandırıluı bar.

Şulay uq, plan yaña citäkçelek häm töbäkneñ qabat tözekländerelüe öçen ğäräp häm İslam illäreneñ finanslawın, Fälästin citäkçelegeneñ isä çiklängän qatnaşu şartın quya.

Ğäräp häm möselman illäre bu planğa xuplaw belderde ämma qayber räsmilär anıñ tulısınça ğamälgä kerüe öçen şaqtıy neçkäleklärne söyläşü zarurlığın assızıqladı.