Azärbaycan ilbaşı İlham Äliyev Baqıda Törkiyä tışqı êşlär ministrı Xaqan Fidannı qabul itte.

Oçraşu barışında Törkiyä belän Azärbaycannıñ tuğanlıq häm strategik berlektäşlek mönäsäbätläreneñ barlıq ölkälärdä dä uñışlı üseşe, "ber millät, ike däwlät" prinśıbı nigezendä xezmättäşlekneñ tağın da nığuı nisbätennän qanäğatlek belderelde.

Ênergetika ölkäsendä xezmättäşlekneñ möhimlege assızıqlandı, al'ternativ energiyä öçen xalıqara bazarlarğa yaña kerü yulları turında fiker alışıldı.

Törkiyä häm Azärbaycannıñ logistik ähämiyäte, ayıruça alarnıñ Awrupa häm Aziyä arasında möhim küper bularaq role, xalıqara oyışmalar qısalarında êşçänlekne koordinatsiyäläwneñ möhimlege assızıqlandı.

Oçraşuda, şulay uq, ike yaqlı mönäsäbätlärneñ kiläçäge, töbäk mäsäläläre häm üzara qızıqsınu uyatqan başqa temalar qaraldı.

Säfäre barışında tışqı êşlär ministrı Xaqan Fidan Azärbaycan tışqı êşlär ministrı Cäyxun Bäyrämov belän dä oçraştı.